胃喉

話說上星期六（20號）

二姐去咗睇醫生，老媽返來時仲話要扣我小食費

原來二姐驗血同驗尿，但兩份報告都好好

但醫生話如果身體裡面有瘤，驗血係驗吾到出嚟架

要照Ｘ光同超聲波至睇到

醫生幫佢打咗支消炎針同比咗開胃藥佢食

睇下呢兩晚開飯肯吾肯食啦，再吾食就要返去照喇

返到屋企，當個個開餐時都好緊張咁望位佢

以為食咗，其實係無食到囉

老媽好失望

於是星期一老爹再帶咗佢返醫院

醫生話要做麻醉，所以吊一晚鹽水，第二日至幫二姐檢查

响差不多做完檢查時，護士姐姐就打電話比老媽報告

發現大牙吾係咁好，吾知係咪之前有撞過，有三隻牙仔嘅腳有裂痕，為免有牙碎留响裡面，幫佢剝咗一隻大三隻細牙添

醫生提意插喉喟食，但老媽一口拒絶咗

老媽話以前嘅meow插喉吾夠三日就去咗彩虹穚了

收綫後有選擇困難證嘅老媽諗來諗去

又同老爹商量後就打番電話比護士姐姐

點知姐姐話醫生去咗食飯，Mui Mui都差不多醒了。

三點，護士再揾老媽，話如果插喉要聽日再吸氣麻醉，就睇下今晚有無食返野先，即係又要住多晚

６點老爹去探二姐，佢不知幾嗲同埋好精神

到咗星期二上午

今次係護士哥哥揾老媽，話二姐仲係吾食野

護士哥哥解釋

响頸開個窿，將條喉插入去伸到掂到胃

醫生會再影Ｘ光確認位置無問題的

老媽唯有應成插胃喉

當天，好少請假嘅老媽提早三個鐘走

接二姐返屋企

二姐嘅第三眼臉走咗出嚟

護士哥哥話因為剛剛做完麻醉，晏啲就會無事

老媽當然心痛啦

點知埋單時見到啲數字仲痛呀