聖誕節目

25/12/2008
今日聖誕節，兩老帶我坐船船入坪洲探寶寶

寶寶仲出黎碼頭接我添

呢位係寶寶嘅鄰居，响窗口伸個頭出黎打招呼時，仲以為佢係牧羊，點知落黎至發覺佢原來係歌姬

之後我地就去沙灘玩，寶寶好可愛啊

老媽一早話咗唔比游水水，但我一去到就衝咗落水，你地話喇，去得沙灘點忍得
喎

即刻要聽訓話，我咪當耳邊風

玩咗個多小時，太陽伯伯要休息，老媽話我地都要休息喎

沖完涼，响室內再玩過

寶寶同我講佢好攰喎

唯有自己玩啦

迎聖誕

今日郵差叔叔送咗封郵件比我喎，原來係孖ｂ媽送比我嘅聖誕禮物呀
我就即刻應下節先，包住耳仔又得

散下步

今日兩老話出去散下步，就同我上後山，去平時我地去開個草地玩下喎

路過見到呢隻貓貓，老爹話佢成日都响呢到，不過就唔係好友善囉

大拗門

14/12/2008
點解我同老爹都咁累呢

順手幫忙：轉貼：莎莎待領

轉貼自豆豉．鯪魚's Blog

琴日返屋企，見到門口隔離間車房綁住咗隻狗，細心睇之下，先知係史納莎，咁自己養史納莎，緊係八卦問吓啦...點知咁就出事...因為老闆唔喺度，我留咗電話叫老闆聯絡我，自己就上去拎埋嗰兩餐狗糧落去，老闆話係喺對面馬路度執，佢當時好危險咁過緊馬路，所以就執咗佢返嚟，不過如果呢兩日都無人要，就拎去漁護處....老闆係咁叫我拎走佢，我叫佢俾多一日時間我，我今日放工會去拎佢去睇醫生，我自己屋企有養狗，驚有傳染病...

夜晚同天使講返呢件事，佢話唔駛拎去睇醫生，佢會幫我check皮膚，同埋佢有晶片機，到時真係皮膚有問題，先帶佢睇醫生.....

本來諗住今晚放工去接佢，但係...琴晚...阿媽突然急call，婆婆有事入咗醫院，未必過到，要叫哂所有親人去作心理準備，見最後一面....搞到好夜好夜...所以今日無返工...

下午約一點到拎到去天使度，搞到成六點先搞掂哂...無皮膚病，無蝨，無牛b，只係耳仔嚴重發炎，同埋牙石比較厚同口臭及需要減肥....預計佢最少生過四胎，條腰墮哂，約5~6歲，應該係狗場做完生育機器而丟出嚟...個質素幾靚，只可惜係生到條腰有d墮...

在車房時影的...

洗出嚟d水係黑色，呢度已經係第二次洗...

吹完毛個樣.....

耳毛好長...隻耳好污漕，一開始係見唔到有耳窿.....

剪完毛，靚女哂~

佢個樣有d似豆豉0架~~

佢個性格好好，好乖好聽話，幫佢整牙仔都唔咬我，好痴人，係人都走去摟抱，食嘢好斯文，同狗狗相處完全無問題，好平易近狗~

希望有心人仕盡快聯絡本人...但本人有少少要求:

1. 收取$500領養費，以防狗販，因為天使免費為佢剪毛，唔收我錢，但係佢咁好心，令佢全日休息去打理佢，希望有心人仕會以少少金錢去答謝她，剩餘的款項我會捐給狗場。

2. 一定要為佢做絕育。

3. 有養狗經驗人仕會優先考慮。

4. 希望日後會帶佢出嚟參與我哋的活動，或有個blog俾我睇佢生活情況...

請各熱心blog友幫我forward出去...

復活之星Bobo生日派對

30/11/2008
今日係2009嘅復活之星Bobo姐姐生日，而我亦好榮幸被邀請去參加呢個大趴地