好平常啫

今日終於可以沖涼lu

成個爽晒，睇我幾醒神，但係.........

無啦啦，老媽攞咗個兩用罩出黎話要罰我

你地睇我幾down

平時我都係架 la，佢都唔會罰架，我只係..........做番平時成日做嘅野啫

補品

尋晚外面行雷閃電，你睇幾光

因為老媽話我就黎好番，奬我一隻補品，所以外面咁嘈，我都一於好少理，你睇我幾心急就知有幾好味

我好唔得閒，我要同隻羊腳搏鬥呀，搞咗成個鐘，終於比我纖滅咗

你地話我係咪抵奬呢，老媽仲話可以去街街 lu.

keepfit

唔可以去街街，愈來愈肥，條腰都唔見埋，唯有响屋企做運動keep fit啦，唔知點解，屋企好似愈來愈細嘅

盲俠

話說老爹攞咗舊黑色野返黎，老媽話呢個係專為蝦條而設既，我以為有咩好野醒我啦，話晒我都响到養病吖，點知突然眼前一黒，乜都睇唔到，剩係聽到兩老既對話．
老媽：嘩，咁大既，有冇細ｄsize 架
老爹：呢個係３號，有２號，但好細，咪買３號lor，會唔會係反轉帶架
老媽：冇理由喎，醫生幫佢帶時都係咁樣包晒個咀，大塊向上面架，你去換個細既返黎啦．
老爹：２號真係睇落好細喎
老媽：等我去睇下薯餅點變狐狸先

老媽：哎，真係掉轉咗呀
我就係咁比佢地搞咗一輪，至重見天日，我成日都話老媽唔識野架啦

望梅止渴

我呢兩日好乖呀，定定地咁比老媽洗傷口．
每次老媽洗之前都覺得好咗ｄ，今日睇到咁樣仲以為埋口添

點知洗完之後，老媽覺得好似冇乜進展咁，但老爹話我個傷口咁深，係由裡面開始埋口，好咗好多喎

你地睇下，老媽查葯膏查到好似補窿咁

我冇得落街，老媽就比我睇下窗，佢話望梅止渴喎
老媽我好想去街街呀

冇進度

食咗三日抗生素，消炎，止痛葯，我個傷口好似冇乜進展咁，但係老媽o既心情已經好番好多，好多blog友都話我地獵狐唔怕痛，但係.......點解每次老媽幫我洗傷口同查葯膏都鬼咁痛既？搞到佢手都震埋，又唔敢大力袜，今朝仲痛到咬咗老爹一口添，即時換黎打咀咀既懲罰．

自責2

21:35
我18:30返到屋企，第一時間睇下佢條頸，竟然發現應該係濃既物體，我仲想，不如祙下佢啦，佢今次避得仲利害．
今朝都冇咁樣色，返黎變咗黃黃地色

我覺得唔對路，就攞齊野飛的落去睇醫生．
我講咗個情形，醫生話要剷咗佢ｄ毛至可以睇清楚，而且或者會唔止一個傷口，因為我係咗响佢傷口的另一面，佢剷毛時我唔去望，姑娘話都幾深喎，直至剷完，我再望下，嘩，都幾大（我以為已經算大啦），跟住佢再搵下睇下有冇另外一個傷口，姑娘話佢唔想剷晒佢條頸ｄ毛，所以要好小心咁搵，因為都好難睇，一路搵一路搵，比佢响高ｄo既位，搵到另一個傷口，跟住剷埋個處ｄ毛，但佢話個撻只係皮外傷，跟住再搵其他位，冇發現其他傷口．
跟住就洗傷口，姑娘一路話都幾大，跟住吸乾ｄ水份，响呢個時候我至真正睇清楚佢個窿，我忍唔住叫了出來：吖，咁大o既，見到咁大，仲腫晒，我差ｄ喊出黎，真係好心痛..........

新增說明文字

之後醫生同蝦條打兩咗兩支針再查葯膏，姑娘教我點樣洗傷口，點樣塗葯膏，我完全入唔到腦
我定一定神，叫佢再重覆講，慢慢講多一次
醫生又話：佢唔可以帶頭罩
我：佢一定爪，咁點算？
醫生：幫佢著鞋啦
我：都會咬
醫生：試下著襪啦
我：佢都會咬
醫生：你要睇住佢呀，過兩三日應該會結咗焦，如果ｄ焦紅紅黑黑就冇問題，但如果黃黃地色，即係唔好，你要幫佢洗乾淨ｄ，"禁"佢d濃出黎，一個星期後返黎覆診，到時傷口仲係咁就要聯針．
我攞埋葯，找埋數，唉，又七佰幾蚊，我就出門口坐的士，等咗好耐至有車，返到屋企，都差不多九點，呢個時候，我就响到想，边到有ｂｂ仔襪呢？打電話比老爹叫佢搵，佢正响陶大花園，終於比佢响馬莎到搵到ｄ６個月至１歲著既，＄7０兩對，冧住可以打孖，等佢冇咁易扯"LUK" ．
我見到開始响到ｒ，係咁NO佢啦，又好心急等老爹攞對襪返黎．
終於等到對襪，點知好難至幫到佢著，仲一著就咬番出黎，係咁址係咁址，又luk，又著，又luk，又著，我都冇晒辦法．
你地有冇其他辦法呢？我好怕佢爪到個傷口啊．

自責

老媽：我真係覺得自己好懵，咁都唔知

平時早上起身，我會比早餐蝦條食，之後同佢玩一陣再返工，今朝我好似平時一樣，比早餐蝦條食，之後同佢玩，但，今日摸佢o既時候，模到有一大撻硬咗o既毛响左邊頸，其實尋晚都模到有小小，我以為好似平時咁，响食完野飲完水水乾咗，下巴ｄ毛有時都會係咁樣硬硬地，我咪攞佢條私伙毛巾仔幫佢祙，點知佢唔比我祙，係咁避開，我就覺得好奇怪，咪係咁搵，睇下佢果撻好似乾咗o既膠水物體有ｄ乜野响到lor，點知睇咗好耐至發覺.............我的天啊，有個半隻指甲咁大o既窿响到，呈倒三角形，見到佢ｄ肉，原來果撻野係個偒口流出黎架．

前晚，我只係掛住搵佢右边頸有冇偒，因為果隻雪橇响右边咬落黎，我原全冇睇過佢左边頸，而且見冇血就以為冇事．點知竟然响左边，左邊...........我真係想都冇想過.............

其實尋晚我返到屋企，我都覺得佢有d唔同，呆呆地，老爹返來時，我講比佢聽，佢又唔覺有咩唔同，佢一樣食晒佢o既晚餐，又有担玩具要我同佢玩，但就冇好似平時咁狂跑狂擲彎，我仲讚佢good添，點知原來係咁，我覺得自己真係好懵，好大意.............

對唔住呀蝦條，老媽真係大意．

22:00
我帶咗蝦條去睇醫生，你地睇下"自責２"就會明白我而家既心情