又行龍背脊

尋日去咗行山，原來兩老一早諗定行完山嘅計劃，係乜？睇落去就知喇

厚厚草地彭福遊

下午就開始落雨，今晚又冇得落街了

好彩尋日天氣都唔錯，老媽帶我跟埋狗友去玩啫

呢到係彭福公園，即係大皇上演雷霆救兵果到呢，第一次黎，估唔到真係幾多狗狗喎，我後面個隻就係馬士提夫犬，好大隻架

呢遍草地又厚又舒服，唔知老爹有冇份鋪呢

coco好受歡迎呀，一黎到就好多裙下臣

黎到梗係追下波波，晒下太陽啦

茶茶就做模特兒比媽咪影相，吖仲有童童都有黎架，佢腳仔未好番晒，所以周圍散下步，菲菲就去咗識朋友仔，因為老媽要昅住我，都唔記得同佢地影相添

歡樂嘅時光特別快過嘅，玩咗冇耐管理員叔叔就話要關門，臨走影多兩張相留念先

同馬馬影返幅相先，佢個身綠綠地色，唔記得問佢係唔係綠怡先生添

歡度中秋，狗月兩團圓

中秋佳節，我地又出發到坪洲

雖然搭船船我要買票，但我都係鍾意坐响老爹對脾上面

未夠鐘BBQ，就周圍行下囉，不過唔係行平時去沙灘條路喎，因為話今日唔比游水水喎，寶寶係乖乖女，一路跟住爸爸行．

我梗係上草地八下啦

唔比游水，點阻止到我吖，趁兩老唔覺，我即刻投奔怒海，仲幫手拖隻艇埋黎，點知拖咗好耐都拖唔到，唯有放棄啦，最衰老媽冇攞相機出黎，你地冇福睇到我點樣同隻艇角力

上到岸梗係要聽下訓話，有得玩又有乜所謂唧

游完水漫步至黃昏，係時候返去洗白白，以迎接今晚嘅月圓之夜BBQ派對

今晚嘅主菜有紐西蘭肉眼扒

甜品係占爺請我食嘅狗地月餅

再加埋串串燈籠同大月亮，你地話係咪好有氣氛呢

仲有遠距離花火滙演

等ｄ呀四執野嘅時候，我就機眠一眠先．

你地搵唔搵到我呀．

呢個佳節簡直就可用歡度來形容呀，今日實在太精彩，一上船就…….