除咗供養我嘅老爹同老媽外，仲有兩個姐姐同一個阿哥，今日就等我介紹一下我嘅家庭成員
呢個係８歲５個月嘅大家姐叫波波，佢好淑女架，老媽每次叫佢個名，我都以為係叫我攞波玩
佢從來都唔so我，當我無到鬼咁cool
，行近ｄ都即刻走開，但佢又好鬼嗲兩老喎，成日要抱架
就係呢個眼神，每次我想同佢傾下計，佢都係咁啤住我嘅
跟住係二家姐叫mui mui，８歲３個月，好大膽乜都唔驚，又唔怕我
偶然仲會同我玩下但好鬼惡，玩一陣就發脾氣凶返我架
最後就要講下我三哥叫BeBe，７歲７個月，佢細細粒粒，乜都好驚青，連老媽抱佢都震過貓王架
，有時又好奇怪喎，偶然會吼下我咀咀架
但多數時間，距離我好遠已經係到鬼叫，搞到兩老成日以為我蝦佢架
muimui 同Bebe兩個成日玩得好癲，我好想同佢地玩埋一份
，最鍾意就係搵手按佢地落地
雖然佢地同我有ｄ隔膜，但我好愛佢地架
，但總括黎講，雖然兩老唔認，但我知佢地最鍚嘅就係我
原來貓貓同狗狗真的可以和平共處，我以為佢地實打到飛起添！[版主回覆03/06/2010 22:17:00]我知好多blog友都同貓貓相處得好好嘅 ，但我地都唔係好和平架，只係佢地成日響高位，偷襲唔到佢地咋
回覆刪除...撞貓囉 , 蝦條初入宮都冇事 ... [版主回覆03/06/2010 22:19:00]而家我係最大件個位，邊個敢搞我呀
回覆刪除我EE都有3隻貓，我去探佢地架，不過嚇到佢地呢.......從此以後EE都情願黎探我多過我去探佢[版主回覆03/07/2010 18:46:00]你係咪又好似我咁，對佢地太熱情呢
回覆刪除你两老肯定係錫哂你啦! 極偏心呀! 咁耐先介紹佢哋三個... [版主回覆03/07/2010 18:48:00]belle妹，你錯喇 ，呢到係我地頭，要我批準至可以放佢地ｄ相嘅
回覆刪除女力士， 妳咁威武， 我諗佢地驚妳多D啦 [版主回覆03/07/2010 18:54:00]需然我係力士，但佢地識武功都好利害架
回覆刪除好開心呀，媽咪終於見晒你咁多隻貓貓啦，媽咪話波波最似佢以前養隻ｍｉｕ兒，又係黑、白、灰紋，四蹄踏雪架，不過，爸爸話點解男仔要叫ｍｉｕ兒，乜男仔唔叫得ｍｉｕ兒咩？[版主回覆03/07/2010 18:57:00]miu兒個名幾好聽吖，如果miu兒仲响到，唔知你會同佢相處成點呢
回覆刪除嘩 ~ 真係想像唔到蝦條妳同 3 隻貓貓同住喎 ! [版主回覆03/08/2010 22:07:00]我當佢地無到架
回覆刪除有性格, i like it.....!!! [版主回覆03/08/2010 22:07:00]佢真係好鬼吋架
回覆刪除原來咁熱鬧...[版主回覆03/09/2010 22:02:00]我地都算係大家庭呀
回覆刪除估唔到原來你屋企咁熱鬧，你又可以同佢地和平共處，相信两老至錫嘅都係你！[版主回覆03/09/2010 22:03:00]兩老真係最鍚我，睇到只係帶我出街玩就知啦
回覆刪除乜原來你地屋企有咁多貓貓架? 我真係以為得蝦條咋 點解養開貓又咁突然會養狗狗既? 仲要養隻破壞公主添 [版主回覆03/11/2010 23:13:00]老媽：呢三隻貓貓之前仲有一隻貓大姐，不過去咗彩虹橋了 蝦條出世嘅屋企有好多foxi, 係老爹嘅朋友得知佢朋友嘅朋友唔想要，係老爹嘅朋友就接咗佢返屋企，打算幫佢搵頭好人家 ，我去見咗佢一眼就即時連籠帶蝦條帶咗返屋企，就係咁就中咗招喇
回覆刪除蝦條媽,我想問用左幾耐時間,蝦條妹先同屋企d貓貓相處到呀! 因為我本身有二隻貓貓,而家我同事個家姐有隻三歲既曲架唔要,我同老公都想照顧隻曲架,但係又怕我隻皇帝女會同蝦曲架,皇帝仔我唔擔心呀,又細胆又怕事,我大聲少少佢都驚,但係皇帝女就又八掛又唔聽話,最鍾意攪破壞 [版主回覆03/12/2010 21:31:00]其實蝦條同三貓，到現在都無話相唔處到，佢地只是各顧各，到現在蝦條都會樸佢地架，但就係想同佢地玩，但貓貓都唔so 佢 蝦條係最遲入屋，好多人話狗仔初入屋應該將佢困籠，唔可以放出來，等ｄ貓貓習慣咗有佢嘅存在，但我地都無咁做，因為忍唔住放佢出黎玩，但頭半年無人响屋企時，我地都放番佢入籠嘅． 三隻中mui mui係最八掛而又唔怕蝦條，蝦條初到時波波同bebe都避開佢，而mui mui唔會避佢仲起爪，所以蝦條係最唔鍾意佢，會成日樸佢同埋見到佢食唔係佢嘅糧，佢會ee鶯鶯，我只在蝦條係BB時會擔心爪到佢對眼，到現在唔擔心貓貓會蝦佢，反而驚蝦條會整親ｄ貓． 曲架已三歲，應該唔會比貓貓蝦，反而驚佢追貓添，有些狗狗係好討厭貓的，你接佢回來前最好了解下佢見到其他小動物會咩反應，波波在蝦條初黎時好唔開心，成日呢埋唔出黎架，差不多成個月至接受呢個事實，所以反而應擔心皇帝仔．
回覆刪除mud收得咁埋ga！[版主回覆03/29/2010 23:02:00]要有我批準至可出場架
回覆刪除..............終於出場喇 ～ 我其中一隻 "Charlie" 剛剛送咗比朋友啊！好唔慣呀 , 但得知佢依家鬼咁多人愛鍚, 仲好伙食過我呢度, 唉！都算老懷安慰！ p.s.蝦條妹好似靚女咗bor [版主回覆04/09/2010 16:54:00]係咪真架Burger媽，我真係靚咗？你真係識氹人嘅 幫Charlie搵到好人家都唔錯吖，最緊要就係新主人愛佢，而你又可以成日去探佢
回覆刪除三哥真係好似我地阿腳腳喎 … 原來蝦條家咁熱鬧，而家先知呀 … [版主回覆04/10/2010 20:42:00]腳腳係邊個黎架，無見你介紹過嘅，唔通你屋企都有貓貓嘅
回覆刪除