16/11/2008
最近的星期日老爹都比較得閒，佢得閒即係代表我有節目，唔知今日又帶我去边呢
呢條係由我屋企去大浪灣嘅另一條路，唔通又去挖沙
老媽話今日帶我去龍脊喎，嘩騎龍背脊
但係條路ｄ樹好密喎，老爹話我論論盡盡，所以就抱我行，咁鬼多樹，我係慢ｄ啫，不過有人抱我都唔介意嘅
終於行到第一個睇到野嘅地方
下面就我成日去嘅大浪灣喇
終於行到第一支測量柱，緊係要影番張相留念啦
繼續上路，老爹話唔會再抱，要自己行，唓，我都冇話過要抱，係佢抱我啫
過咗一大段林後，終於上到山頂，風景幾靚
有隻大紙鳶呀
呢边仲有好多隻添
你地睇下我企得幾高
其實我好驚架，不過老媽係都要我企响到影相，就下佢囉
要回程喇，老媽話唔行回頭路，所以行另一條路走
我地行到太陽都落山，好累呀
唔知下次帶我去边到玩呢
D路幾難行咁bor ~ [版主回覆11/21/2008 00:20:00]其實有另一條路好行啲嘅，不過老爹話未試過呢段路，所以試下囉，你有冇興趣，我帶你去吖
回覆刪除蝦條，你咁叻同爸爸媽媽遠足，我就行唔到山啦，遲Ｄ去狗公園搵埋你呀。[版主回覆11/21/2008 00:22:00]好呀，我都未去過狗公園，下次記得預埋我
回覆刪除薯條..跑得巧開心 bor [版主回覆11/21/2008 00:22:00]我係蝦條呀，唔係薯條
回覆刪除係山路你都可以喪跑，真係服左你![版主回覆11/21/2008 00:25:00]茶茶，你鍾唔鍾意喪跑架 我跑咗好多轉架喇，遲鈍老媽至攞機出黎影
回覆刪除哈....行咁多路, 攰死狗咚.... [版主回覆11/21/2008 00:26:00]老媽話要比我放下電至得喎，否則..........
回覆刪除你咁好腳骨力行咁多路嘅, 我唔得架 Lee達地方個名我都未聽過, 你好勁呀! 你喺草叢玩,唔驚有蛇咩, 正所為:秋風起三蛇肥喎 [版主回覆11/21/2008 00:30:00]龍脊好出名架，好多行山書都有介紹架 肥蛇使乜驚喎，有我咪捉佢出黎補身囉
回覆刪除條路好陰森吓噃！不過山頂就真係好靚喇！[版主回覆11/21/2008 00:33:00]有條正路嘅，不過我地由大浪灣頂上至係咁啫 ，如果一直行，可以行到去石澳，整條路都好靚架
回覆刪除你真係好靚女呀！ 仲好啦，條路好難行咁，爸爸抱一陣就冇咁辛苦嘛～～～ [版主回覆11/21/2008 00:35:00]係ｄ相影得唔清你至咁講囉，老媽成日話我醜樣架 老爹真係抱得一陣咋
回覆刪除行山好玩呀!!![版主回覆11/21/2008 00:36:00]我好鍾意跟兩老行山架，好過遊車河吖
回覆刪除攰屎屎喇 ! [版主回覆11/21/2008 20:01:00]边有大皇咁嘆吖
回覆刪除我大大隻，但係個膽比較細，所以係啲比較有安全感的地方先至會喪跑架...[版主回覆11/25/2008 20:00:00]咁，等下次有機會表演下你身手比我睇啦
回覆刪除有人抱住行, 行幾多都無有怕啦.. 所以, 我個名叫.. 抱抱.. [版主回覆11/25/2008 20:01:00]老爹抱咗一陣咋 ，原來你成日要媽咪抱抱，所以個名咁黎嘅
回覆刪除條路好似好正...多唔多斜路稼...因為禾地 MAME 有風濕腳 唔可以行太多同太長時間 [版主回覆11/25/2008 20:05:00]呢條路頭段好企架，老媽要手腳並用架 ，有另一條路好行ｄ嘅，不過都有段樓梯要行架． 風濕腳應該唔驚嘅，咁你行到幾耐呀
回覆刪除條路好行嗎??[版主回覆11/25/2008 20:08:00]對我蝦條黎講，咩路都咁好行 ，如果你有行開山應該冇問題
回覆刪除蝦妹，你幅幅相都sai 起棚牙ga ！好熱定好happy 先 ？ [版主回覆11/25/2008 20:19:00]蝦條：我開心吖ma 老媽：我都覺得好奇怪，佢平時都算唔呻脷都唔會合埋口
回覆刪除呢排好多blog 友都有去...您地有無相遇 [版主回覆11/27/2008 22:37:00]冇見有其他狗狗喎，如果有狗狗我一定同佢打招呼
回覆刪除