081102東龍島

  今日好開心，老媽同老爹一齊帶我去玩，其實老爹已經好耐冇同我去玩了，點解佢今次會黎，就係.................老媽用一招先下手為強，報咗名先，再加埋我嘅眼神功勢，終於成功咗

一行好多人，好多狗狗，需然我蝦條唔係所有狗狗都識，但我唔介意識多啲朋友架，但係由於老媽好懶，所以只係影咗好少狗狗相

呢位帥哥就係薯餅喇，除咗佢走去另一山頭時，佢全日做我嘅保鑣，陪我玩足一日

今日好大風，你哋睇下响等緊上船時薯餅個髮型

呢位就係茶茶，佢好靚女架，不過就細膽啲，開頭唔肯上船架，最後要爸爸抱佢上船囉

佢係小公主cookie，佢會成日對住我唱歌仔

老媽成日都話我男仔頭，似足佢喎

薯媽仲煮咗啲雞肉，當然我都有份食啦，多謝晒薯媽

今日上山下海，玩得不知幾盡興

再次多謝薯一家，特別鳴謝薯餅

．
．
．
．
．
後記：-
有隻朋友仔响我耳仔搭順風船返屋企，唔係牛ｂ，但又唔知係乜，老媽唔理咁多，即刻攞佢支新買嘅雙飛人出黎幫我查下，佢話要消毒一下喎