頭先我比9嚇親呀
，兩老啱啱同我行街街，有時行到果到會見有好多狗狗，頭先就有三隻，但我之前未遇過佢lor，老爹拖住我已經過咗佢地幾十尺，老媽就响前面，我停低望下佢地，其實我想交下朋友啫，老媽都成日講要我多Ｄ同其他狗狗傾計，點知佢走過黎吼咗我一下就一口咬我既右頸，當時我就大叫，老爹也即係大叫NO，佢就即刻走開，嚇到我旭都唔敢旭，就係呢個時侯老媽即刻走過黎幫我檢查，當時老媽個心仲跳得犀利過我，佢係咁搵下有冇血，好彩無事
，只係條頸濕晒lor．呢個時侯，佢既主人走過黎問冇事吖ma，仲話佢見到新狗係咁架，你黎多幾次就冇事架喇，老媽竟然答佢，唔緊要，唔緊要
蝦條：對唔住呀，老媽，累你擔心．
老媽：嚇死我呀，不過最緊要你冇事．
佢會唔會對大狗有陰影呢
驚到lee 埋訓呀? 我俾大狗咬過，差1mm 就盲... 真係好好彩！不過而家見到高過我o既狗我就發癲狂吠！ [版主回覆07/17/2008 18:57:00]1mm ,咁得人驚,真係好彩喎,咁你咪唔會同大狗做朋友lor.
回覆刪除無事嘛 ? 下次大家對望一陣，無"糊"無吠先來身體接觸嘛，蝦條媽唔使擔心，獵狐咁硬淨，唔會有陰影掛。 [版主回覆07/17/2008 19:12:00]佢埋黎時真係無胡無吠架，身體接觸都冇呀，只係個鼻鼻一孔過黎就咬落黎，老爹後來仲話佢埋黎時隻眼都唔係望住我地，就係咁老爹至冇介心lor. 老媽：大皇，下次等我留意下蝦條見到大狗時咩反應再話過你聽
回覆刪除蝦條你冇事就好了 .......一定嚇到你 媽媽鼻哥洞都冇肉啊 .......你爸爸個一聲 NO...果然好勁呀 [版主回覆07/17/2008 19:14:00]老媽個鼻哥廋晒呀，老爹好少咁威猛，今次做咗威猛先生
回覆刪除咩狗黎架?點解個主人唔睇住狗狗架? 好在無事咋. [版主回覆07/17/2008 19:21:00]好彩好彩，佢係雪橇黎架，爹dee話佢仲係狗仔，或者因為咁所以NO得到wor.但佢都大我一倍架，佢個主人應該同狗友傾緊計，又或者佢都唔知佢咬我，因為離開咗幾十尺架．
回覆刪除無陰公咯 .. 細蚊仔唔嚇得架 .. 過嚟比哥哥呵返先 .. ( 或者比我捐入你 sofa 底都得 ) 睇你嚇到面毛都白晒 … .. 快 d 叫老媽整 d 又荀又貴嘅野過你吃 …. 定一定驚先啦 . .. 毛巾有云 : 美食能醫百病 ~ 老爹 + 老媽在旁你都被恰 .. 真係 “ 撈飛士 ”.. 佢 2 個係咪夢遊 ing 呀 .. 罸佢地守行為 + 履行 ” 蝦條 ” 服務令 .. 每日早午晚 3 次帶你遊花園 .. 踢波波 .. 游水水 .. 每次 3 個鐘 .. 無期徒刑 . [版主回覆07/17/2008 19:28:00]毛巾哥哥，你咁大舊，點捐我個地盆呀 係喎， 美食能醫百病 你個無期徒刑時間表，好呀 ，玩足一日
回覆刪除仲有..仲有.... 下次記住 call 埋我保護你 … 保護費我折實收你 7 隻羊咩腳 ß ( 我會同毛撈分享 , 不會獨食的 ) + 1 打土匪雞翼 ß ( 媽子迫我加 e 個 ) + 1 打凍蚧 ß ( 爸子迫我加 e 個 ) … . .*暫時係咁多住先... 諗到再加 * 你咪睇我媽子成日話我 “” 樣樣衰衰無樣好 .””. … 我 .. … . 勝在有絕招 à 天下無敵 - 股巨肌 … 一野就 (( 得 )) 開隻衰嘢 .. ~ 無難度 ~ [版主回覆07/17/2008 19:35:00]股巨肌， 有你o既保護我就放心，佢高過你又長過你架，你得唔得架？ 7隻羊咩腳，你同 毛撈咪分唔勻lor，我叫老媽醒多一隻比你la，一打土匪雞翼 + 1 打凍蟹食痾佢地 ，
回覆刪除