老媽：我真係覺得自己好懵，咁都唔知
平時早上起身，我會比早餐蝦條食，之後同佢玩一陣再返工，今朝我好似平時一樣，比早餐蝦條食，之後同佢玩，但，今日摸佢o既時候，模到有一大撻硬咗o既毛响左邊頸，其實尋晚都模到有小小，我以為好似平時咁，响食完野飲完水水乾咗，下巴ｄ毛有時都會係咁樣硬硬地，我咪攞佢條私伙毛巾仔幫佢祙，點知佢唔比我祙，係咁避開，我就覺得好奇怪，咪係咁搵，睇下佢果撻好似乾咗o既膠水物體有ｄ乜野响到lor，點知睇咗好耐至發覺.............我的天啊，有個半隻指甲咁大o既窿响到，呈倒三角形，見到佢ｄ肉
，原來果撻野係個偒口流出黎架．
前晚，我只係掛住搵佢右边頸有冇偒，因為果隻雪橇响右边咬落黎，我原全冇睇過佢左边頸，而且見冇血就以為冇事．點知竟然响左边，左邊...........我真係想都冇想過.............
其實尋晚我返到屋企，我都覺得佢有d唔同，呆呆地，老爹返來時，我講比佢聽，佢又唔覺有咩唔同，佢一樣食晒佢o既晚餐，又有担玩具要我同佢玩，但就冇好似平時咁狂跑狂擲彎，我仲讚佢good添，點知原來係咁，我覺得自己真係好懵，好大意.............
對唔住呀蝦條，老媽真係大意．
22:00
我帶咗蝦條去睇醫生，你地睇下"自責２"就會明白我而家既心情
我上次咪一樣，大狗主人問有冇事我都搵唔到傷口...仲大大聲話冇事添！之後洗嘴果時先見到！冇事o既，快D帶蝦條去Vet 洗傷口啦！Get well soon! [版主回覆07/18/2008 15:49:00]係，我都係咁，猛咁話冇事冇事
回覆刪除咁佢 e 家有無事呀 ? 係咪傷口結焦再抓損咋 ? 唔使咁擔心嫁，再唔係就去醫生處洗吓傷口啦，應該無咩大問題嘅，您唔好咁自責啦，百密都有一疏嘛，獵狐好硬淨嫁，無事嘅。 [版主回覆07/18/2008 16:16:00]我未知呀，佢果個位又白又黑，都睇唔清，又趕住返工，都未同佢清理，等陣放工即刻返去睇下佢點． 應該唔會係焦，因為佢硬咗個ｄ毛，撻野係透明色架，又唔係濃喎，如果唔係佢唔比我祙，我都唔會捉住佢黎搵
回覆刪除蝦條老媽，唔好咁自責嘞！你都唔想架o麻！使唔使我班哂啲foxi狗友同蝦條妹妹報仇？ 哼！咪以為我哋foxi好蝦喎！ [版主回覆07/19/2008 10:24:00]薯餅，老媽冇晒心機而且好擔心呀，你睇下第二篇就明了，我唔使你拖馬幫蝦條報仇，果隻雪橇係响藍灣半島對面個單車公園側邊條直路出没，如果你唔識佢，見到都要運路走，小心．但如果你識佢和佢o既主人，請你幫我通知佢蝦條呢件事．我而家真係好down
回覆刪除