我18:30返到屋企，第一時間睇下佢條頸，竟然發現應該係濃既物體，我仲想，不如祙下佢啦，佢今次避得仲利害．
今朝都冇咁樣色，返黎變咗黃黃地色
我覺得唔對路，就攞齊野飛的落去睇醫生．
我講咗個情形，醫生話要剷咗佢ｄ毛至可以睇清楚，而且或者會唔止一個傷口，因為我係咗响佢傷口的另一面，佢剷毛時我唔去望，姑娘話都幾深喎，直至剷完，我再望下，嘩，都幾大（我以為已經算大啦），跟住佢再搵下睇下有冇另外一個傷口，姑娘話佢唔想剷晒佢條頸ｄ毛，所以要好小心咁搵，因為都好難睇，一路搵一路搵，比佢响高ｄo既位，搵到另一個傷口，跟住剷埋個處ｄ毛，但佢話個撻只係皮外傷，跟住再搵其他位，冇發現其他傷口．
跟住就洗傷口，姑娘一路話都幾大，跟住吸乾ｄ水份，响呢個時候我至真正睇清楚佢個窿，我忍唔住叫了出來：吖，咁大o既，見到咁大，仲腫晒，我差ｄ喊出黎，真係好心痛..........
 |
| 新增說明文字 |
之後醫生同蝦條打兩咗兩支針再查葯膏，姑娘教我點樣洗傷口，點樣塗葯膏，我完全入唔到腦
我定一定神，叫佢再重覆講，慢慢講多一次
醫生又話：佢唔可以帶頭罩
我：佢一定爪，咁點算？
醫生：幫佢著鞋啦
我：都會咬
醫生：試下著襪啦
我：佢都會咬
醫生：你要睇住佢呀，過兩三日應該會結咗焦，如果ｄ焦紅紅黑黑就冇問題，但如果黃黃地色，即係唔好，你要幫佢洗乾淨ｄ，"禁"佢d濃出黎，一個星期後返黎覆診，到時傷口仲係咁就要聯針．
我攞埋葯，找埋數，唉，又七佰幾蚊，我就出門口坐的士，等咗好耐至有車，返到屋企，都差不多九點，呢個時候，我就响到想，边到有ｂｂ仔襪呢？打電話比老爹叫佢搵，佢正响陶大花園，終於比佢响馬莎到搵到ｄ６個月至１歲著既，＄7０兩對，冧住可以打孖，等佢冇咁易扯"LUK" ．
我見到開始响到ｒ，係咁NO佢啦，又好心急等老爹攞對襪返黎．
終於等到對襪，點知好難至幫到佢著，仲一著就咬番出黎，係咁址係咁址，又luk，又著，又luk，又著，我都冇晒辦法．
你地有冇其他辦法呢？我好怕佢爪到個傷口啊．
bikey: 真係好深...好恐佈，所以我唔同大狗做朋友喇！我驚呀！ bikey 4: 襪點都好易luck！可唔可以試下用紗布包呢？最緊要係包好D腳甲o者！ 同埋俾D野佢咬，轉移視線！ 蝦條老媽，唔好自責，佢好快好番架喇！我呀，好怕D 傷口 / 血，開頭果時我仲要搵朋友幫佢清潔傷口添呀！ 狗真係好tough 架！果時D Foxi brother 話有條巴先man呀！ 點知而家條巴冇左... [版主回覆07/19/2008 15:30:00]我唔介意同大狗做朋友，因為有Ｄ大狗狗都好nice架． 我而家同佢著完襪仔再用繩綁住個襪頭，不過頂唔到好耐． 希望佢快ｄ好番啦，今朝我同佢洗傷口，手都震埋呀．
回覆刪除真係好大個傷口 . .. 隻衰野真係又快又狼死 .. 蝦條媽堅強 d.. 唔好內疚喇 .. 都唔係你的錯 .. 蝦條好快就會好返架喇 .. 佢係女中豪杰來的 ~ 我真係唔明有 d 狗狗主人 ... 比狗狗自由行前都要知道自己狗狗 有無攻擊性 , 係咪好聽話先得架 … 蝦條媽 ….. 事發地點喺邊度呀 … [版主回覆07/19/2008 15:49:00]係，好大 果隻係雪橇.........因為佢可以自由行，我地真係冇冧過會有攻擊性，最多佢唔鍾意，起碼都會胡胡聲，或者吠下，但佢係完全没有跡象，仲要唔係飛奔過黎，只係慢跑埋黎，吼了一下就咬落黎 後黎佢個主人行埋黎話，佢對新狗係咁架，你多ｄ落黎就得架喇 ，而家睇番蝦條咁樣，落多ｄ去，咪要冒生命危險． 事發地點响小西灣個單車公園旁邊個條通去藍灣半島既大直路， 其實我地間中都有行經果度，都有見過其他狗狗，有同佢地打招呼，但就未試過咁大濟lor.
回覆刪除你話果隻狗係咪叫 Micky 呀？而果個主人係咪亞婆嚟架？你係邊日同幾點落去俾佢咬親？如果真係佢，等我同佢反映吓！我都好多時喺果度浦，下次你再落去，早啲留言俾我，等我陪吓你！其實果度啲狗都好好，唔會點打交，希望蝦條妹妹快啲好番，一齊出嚟玩！ 蝦條媽唔好再咁自責啦，我哋 Foxi 係打不死嘅！ [版主回覆07/19/2008 16:37:00]薯餅，我唔知佢叫咩名，但個主人係亞婆黎架，我地16號，即係星期三晚，９點左右，當時有幾個人同埋三隻狗狗响到，一隻係雪橇，一隻係黑色既，好似係芝娃娃，仲有一隻係哥基，佢地當時好似係到派緊零食，狗狗背住我地，跟住我地行過咗佢地廿尺左右，隻雪橇就走過黎，就係咁，事情就發生咗．之後雪橇主人過黎時，隻黑色小狗都有走過黎，同蝦條互吼一陣，跟住就吠，雪橇主人都有鬧佢，我唔知係咪兩隻狗都係佢既，若你講既呀婆同我講既呀婆係同一個人，請你話比佢聽，佢隻狗狗有咁既問題，以免有第二隻狗狗受傷． 其實我地有時會行經果度，成日見到有好多狗狗响到玩，有時仲响到玩波添，我地都有同其他狗狗打過招呼，老媽仲成日担心蝦條會咬人地，所以唔會放繩，點知今次係比人咬． 果日我地就係經過果條路返屋企，已經行遠咗，見隻雪橇走過黎，咪冧住比佢地打個招呼，點知......... "下次你再落去，早啲留言俾我"----老媽有陰影呀，個傷口咁，又唔知出唔出得街喎，等佢好番，你至再約埋蝦條一齊玩吖． 係，老爹都成日咁講：FOXI 好硬淨架，冇事既
回覆刪除foxi 唔驚嫁，佢有精神就無事嫁啦，不過您 e 家照顧佢就煩 d，等傷口埋好就得啦，現時唯有盡量睇實佢，無人睇住時就 ...... sorry 啦蝦條 ......襪仔加口罩啦，忍幾日就 ok 啦。 [版主回覆07/19/2008 16:47:00]係，老爹成日同老媽講，FOXI好硬淨架，唔驚喎 精神係唔錯，今朝洗完傷口，番黎見到又有好多濃啊，唔知係咪又Ｒ到呢？ 襪仔加口罩.......係，老媽冇想過添，不過佢除咗尋日睇醫生之外，未帶過口罩，屋企都冇呢樣設備添，等我即刻打比老爹叫佢收工搵下仲買唔買到． 忍幾日就 ok ........係，老媽都要忍心Ｄ
回覆刪除wah!!睇到我都好肉痛呀!! 你放心, foxi好硬淨, 我唔擔心佢會痛之類, 不過最擔心就係個傷口要處理得好小心呀!!! 唉! d 雪橇係好恐怖既動物, 咬狗快而準! 我hehe哥一次係彭彭見到隻雪橇係佢身邊想say hi之際, 隻耳仔就被佢打左lone，流晒血! 另一個莎莎朋友就係一個狗泳池被隻雪橇咬住黎fing, 成身傷痕累累, 自此之後我見雪橇都驚! 總之, 以後同d唔熟既狗狗玩之前要睇定d! 有好多主人明知自己隻狗緊張會咬, 都唔理ga!! [版主回覆07/20/2008 10:50:00]係呀，真係好肉痛，老媽經過呢次教訓，以後會小心ｄ架喇． 咁hehe哥個傷口幾耐至好番呀？
回覆刪除薯爸薯媽尋晚同我落咗單車公園，諗住幫你反映吓，點知雪橇媽去咗飲，由佢個仔帶隻雪橇落黎，因薯爸薯媽唔識佢個仔，所以冇反映件事過佢知，等下次見到雪橇媽再幫你反映吖！ 但薯爸薯媽都有同其它狗狗主人講你個case，原來你唔係唯一一隻受害狗，好似話隻雪橇最近脾氣有啲古怪，成日咬狗，啲狗狗主人都有同雪橇媽講過，提議佢同隻狗帶番口罩同帶佢去desex，雪橇媽都知道自己隻狗嘅問題，話會多加留意！ 蝦條妹妹，你係咪住小西灣架？如果你好番但唔想去單車公園，咁不如我約你去行山吖，即係藍灣半島公園上去果條山路，都好好行架！不過要等冇咁熱先，如果唔係實變燒豬！約定你喇，唔好請我食檸檬喎！ [版主回覆07/20/2008 14:16:00]薯餅哥哥，雪橇媽既然知道自己狗狗有問題，佢就唔應該放佢自由行，或者要帶番口罩至放得啊，我都知咁樣會好慘，但如果唔係咁，再有佢唔識既狗狗行過時，就好危險喎，唔係個個好似我咁硬淨家ma 我住泳池個邊架，你講果條路，老爹同老媽成日都行架，老爹就係响果頭見過你........應該係你掛，不過只係帶我行過一次咋，打晒針針之後，第一次去街街 ，就係由泳池边上山，落番去小西灣，我就係由上面條路去大浪灣去挖沙架 好吖，等我好番一齊去行山吖，約定你啦，到時見面你唔好話我男仔頭喎 ，好期待啊
回覆刪除吓！傷口好深呀！小心處理同準時食藥呀！ 蝦妹，你唔洗擔心，好快好返架la！ [版主回覆07/20/2008 19:01:00]大少，老媽每日都準時比葯我食，同埋洗傷口，老媽同我既共同目標－－＞就係快ｄ好番
回覆刪除薯餅哥哥，老媽話唔記得咗同你say thank you喎，叫我同你講唔該呀 但係老媽愈想愈激氣呀，雪橇媽既然都知自己狗狗有問題，而且仲咬過其他狗狗添，點解仲由得佢自由行？佢咁做真係一個好唔負責任o既狗主喎，咁比佢咬既其他狗狗冇乜事吖ma，有冇好似我咁，比佢咬到咁大個窿呀？
回覆刪除hehe哥個傷口唔算深, 唔嚴重, 不過衰就衰在係耳仔, 佢一fing個頭就好易整到傷口流血, 都搞左好耐先埋口ga! 佢個傷口咁大, 真係要小心呀! [版主回覆07/21/2008 21:08:00]hehe哥你放心啦，老媽會小心架喇
回覆刪除